2025 жылғы 11 ақпанда Астана қаласындағы Т. Бигелдинов атындағы №1 мектеп-лицейінде педагог-психологтар Мордовец А.С. және Шупова Б.М. 6 «В», 6 «Г», 6 «И» сынып оқушылары үшін «Қауіпсіз интернет» тақырыбында дәріс өткізді. Іс-шараның мақсаты – оқушыларды интернеттегі негізгі қауіптермен таныстыру, желідегі қауіпсіз мінез-құлық ережелерін үйрету және интернет-контентпен жұмыс істеу кезінде сыни ойлауды дамыту.
Дәріс барысында негізгі киберқауіптер, желіде жауапты әрекет ету қағидалары, жеке деректерді қорғау тәсілдері қарастырылды. Сондай-ақ, фейк ақпаратты тануға арналған тәжірибелік ұсыныстар берілді. Оқушылар белсенді түрде пікірталастарға қатысып, интерактивті тапсырмаларды орындап, тақырып бойынша өз ойларымен бөлісті. Сонымен қатар, интернет-алаяқтық пен цифрлық қауіпсіздіктің бұзылуына қатысты нақты мысалдар келтіріліп, интернет-фишинг туралы видеоматериалдар көрсетілді.
Бұл дәріс мектеп оқушыларының интернет-ресурстарды жауапкершілікпен пайдалану дағдыларын қалыптастыруға және олардың цифрлық сауаттылығын арттыруға ықпал етті.